సరదాగా ఎందుకు జీవించాలి?

నేను మామూలుగా పుస్తకాలూ చదవను. పేపర్ కూడా పైపైనే చదువుతుంట. కాని చదివిన కొంచెమే లైఫ్ కి అప్లై చేసుకుంటా. ఈరోజు మా అక్క (ఆఫీసులో కలీగ్) కొమ్మూరి రవికిరణ్ రాసిన 'సౌందర్యం' నవల చదువుతుంటే ఎలా ఉంది అని అడిగాను. చాల బాగుందని చెబితే ఓ పాతిక పేజీలు చదివాను. నాకు బాగా నచ్చిన ఓ పేరా మీరు కూడా చదువుకుంటారని ఇక్కడ రాస్తున్నా.

" జీవితాన్ని సీరియస్ గా తీసుకోవాలి. కానీ జీవించడం సరదాగా జీవించాలి. కొంతమందిని చూడండి... అప్పటి దాక సరదాగా ఉండేవాళ్ళు పెళ్ళయ్యి ఇద్దరు పిల్లలు పుట్టగానే గంభీరంగా మారిపోతారు. జీవితాని గాంభీర్యం చేసుకుంటారు. ఎవరైనా మాట్లాడితే ముక్తసరిగా మాట్లాడతారు. మనస్పూర్తిగా నవ్వాలన్నా, ఏడవాలన్నా అన్ని లోపలే. అలంటి వాడ్ని చూసి చాలా 'బ్యాలేన్సేడ్ ఫెలో' అంటారు. కానీ 'ఖర్మ' అని నేను అనుకుంటాను. మనసారా భావాల్ని వ్యక్తం చేయలేని అదేమ జీవితమండి? ఇంతటి విశాల ప్రపంచంలో చిన్న పంజరం నిర్మించుకుని అందులోనే ఉండిపోవడం ఎంత దురదృష్టం?"